Lopper

I torsdagens lokalavis blei det etterlyst lopper..... Kva passar betre når det nærmar seg flytting og mindre leiligheit. Vel er det enno 6-8 veker før det blir flytting, men det som er unna er greit. Dessutan har eg aldri likt å kaste fullt brukbare ting, men skap og skuffer blir i periodar litt for fulle.

Først var det å sortere innholdet i reolen, kva skal i kva slags eske. Husets datter sorterer og mor pakker...

Denne reolen fikk eg brukt for 12 år sidan, gav den litt maling og har hatt stor glede av den. Kan den glede nokon andre i enno nokre år, synes eg det er flott.

Alle skuffer og skap blei opna, skal-skal ikkje. Det er mykje lettare å gi bort, enn det er å hive i søpla.

Så kom det nokre kjekke karar og henta. Flott når ein ikkje har eigen bil, men gode vener.

Gratis kaffe og kaker blei servert, og nokre lopper som man berre må kjøpr..

Eit lite lyn-lotteri vart det også tid til, og då sat pengane laust. Gevingstane var fine, og vi hadde nesten ikkje brukt noko pengar enno....

Ei ny te-kanne og 8 dessert-skåler til hytta blei det og. Og litt nips og pynt. Ein kan då støtte tiltaket på meir enn ein måte.

Eit flott tiltak av nokre driftige damer, og jammen hadde Revmatikarlaget fått eit nytt medlem før eg gikk heim.