Nåleputer.

Eit knippe nåleputer, alle like spesielle. Sjølv om eg helst har knappenåler i ein liten boks, så har eg tatt vare på desse. Dei elste har for lengst nådd alderen for antikviteter..



Denne blei laga på juleverskste i 1990. Eg meiner å huske at det var minstemann som med litt hjelp stod bak produksjonen. Han var då nesten 8 år, og trivdes med symaskina.


Denne er det i hvertfall minstemann som har laga. Det var på Gjøvik, juleverksted hos ein nabo. Og mamma som hadde vert på jobb i havet fikk den i julegave. Året var 1988, og guten var ikkje fylt 6 år.

ca. 1985. Eg skulle hjelpe ein nabo med noko syarbeid. Ho var nok litt oppgitt over alle nålene i ein blikkboks. Så då kom denne i hus. Den heiter Elin..

Vinteren 1969 flytte eg til Bergen, og bodde der i nesten 3 år. Då fikk eg denne av ei veninne, men kjenner ikkje meir til opphavet. Den er hekla som ein hatt, fylt med bomull og kjempesøt. Legg merke til lommen for å putte fingerbøla i. Fingerbøla er i sølv (den vart ikkje pussa til jul...), og den fikk eg til konfirmasjonen i 1967.

Denne er også frå den tida eg bodde i Bergen, og er den eg fikk aller først. Bakstykket er papp, trekt med gammaldags hyllepapir. Så ein ny papp, fyll med eit eller anna, og trekt med bommullstoff. I alle hjørna er det stukke inn knappenåler med litt store hovud og trekt vanlig bomullsgarn rundt.

Ei eldre dame gikk på dørene i blokka og selde desse... Ho hadde kansje ikkje så mykje og hjelpe seg med, kven veit... Det var trange tider då også.

Noko artige minner er det ihvertfall blitt...