Ferie-strikketøy...

 

Sjølv om det har vert lite blogging i nokre månader, så har strikkepinnane blitt flittig brukte. Både på jobb, heime, og på ferie. Då eg var over til Canada i 2 veker hadde eg også strikketøyet med. Og fikk handla inn noko garn til å ta med heim att.

 

 

No er det snålt å strikke slikt med varmegrader på 28-32, som det var desse 2 vekene. Men ventilasjonssystemet gav meg skikkelige kalde føtter. Kjapt blei det strikka eit par lommetøfler. Desse blei så populære at det blei 5 par til slutt.
"Minstemann" gjorde meg oppmerksom på at det var ingen som strikka sokker til han lenger. Så blei det 2 par solide herresokker, og eit par til "fruen".

Sommertopp

Denne sommertoppen strikka eg tidlig på sommeren. Bomull frå Sandnes, Mandarin Classic. Har brukt den utruleg mykje, og den er like fin etter mang ein vask.

Ha ei flott veke...

Annorakk til Erlend

Lille Erlend kom til verden i sommar. Som sjølvutnevnt "strikkebesta" til han og storebror, måtte eg finne på noko. Denne "annorakken" er strikka i dobbelt babygarn, str. 6-9 mnd. Kan være god å ha når hausten kjem inne i  Sogn.

Nytt inn og gammalt ut...

Ny PC i heimen. No skal det bli betre tider, både på bloggen, nettbank og andre plasser. Har i lengre tid lånt ein pc som ikkje alltid ville som eg ville... Det er både kjedeligt og frustrerande.

 

All den gamle "skiten" er på veg ut av huset. Samtidig så liker eg ikkje dette kjøp og kast greiene. Men slik er verden blitt, og innen teknologien er det ikkje vits og samle opp, og tru at ein får bruk for det ein dag..

Årets ferietur....

Farmor er nett komt heim frå det store utland. I 2 veker har eg vært på besøk hos "minstemann" og familien. Det var stort å få helse på lille Gavin, som hadde rukke å bli over 4mnd.
Vondt å tenke på at det er lenge før eg ser dei att. Med lange reiser, stor tidsforskjell, 4 flybytter kvar veg, så er det ikkje berre å reise spontant. Nokså dyrt er det og...

I morgon er det ei anna reise som er på gang....  jobb.  Ha ei flott veke rundt omkring!